தவெக கட்சியில் அதிக உறுப்பினர்கள் சேர்க்கும் மாவட்டபொறுப்பாளருக்கு சிறப்பு பரிசா…?

நடிகர் விஜய்யின் தமிழக வெற்றிக் கழகத்தின் முதல் மாநாடு விரைவில் நடைபெற உள்ள நிலையில் கட்சியில் உறுப்பினர்களை சேர்க்கும் பணி தீவிரம் எடுத்து வருகிறது.நடிகர் விஜய் தனது அரசியல் பயணத்தை அறிவித்த நிலையில், தமிழக வெற்றிக் கழகம் என கட்சி பெயரையும் அறிவித்திருந்தார். சமீபத்தில் தமிழக வெற்றிக் கழகத்தின் கட்சிக் கொடியும் அறிமுகப்படுத்தப்பட்டது.அதை தொடர்ந்து செப்டம்பர் 23ம் தேதி விக்கிரவாண்டியில் முதல் மாநாட்டை நடத்த தமிழக வெற்றிக் கழகம் திட்டமிட்டு அதற்கான ஏற்பாடுகளில் ஈடுபட்டு வருகிறது. மேலும் இந்த மாநாட்டில் அதிகமான த.வெ.க உறுப்பினர்கள் பங்கேற்க வேண்டும் என நடிகர் விஜய் எதிர்பார்க்கிறார்.

- Advertisement -

இந்நிலையில் த.வெ.க மாவட்ட செயலாளர்கள் அதிகமான உறுப்பினர்களை கட்சியில் சேர்க்க வேண்டுமென தலைமை தெரிவித்துள்ளது. மாநாட்டிற்குள் அதிகமான உறுப்பினர்களை சேர்க்கும் மாவட்ட செயலாளர்களுக்கு மாநாட்டில் வைத்து நடிகர் விஜய் சிறப்பு பரிசுகளை வழங்க உள்ளதாகவும் கூறப்படுகிறது. முதல் மாநாடு என்பதால் முடிந்தளவு அதிகமான கூட்டத்தை காட்ட த.வெ.க முயன்று வருவதாக பேசிக் கொள்ளப்படுகிறது.

இதன் ஒரு பகுதியாக கோவை தெற்கு மாவட்ட அ.மு.மு.க.கட்சியின் இலக்கிய அணி மாவட்ட செயலாளார் கருப்புசாமி 50 பேருடன் தமிழக வெற்றிக் கழகத்தில் தம்மை இணைத்து கொண்டார்.சுந்தராபுரம் பகுதியில் நடைபெற்ற இதற்கான நிகழ்ச்சியில்,தமிழக வெற்றிக்கழகத்தின் கோவை தெற்கு மாவட்ட தலைவர் விக்னேஷ் சால்வை அணிவித்து வாழ்த்துக்களை தெரிவித்தார்.