கேரளாவில் 4 மாவட்டங்களுக்கு இன்று மஞ்சள் எச்சரிக்கை: இந்திய வானிலை மையம் தகவல்!

கேரளாவில் இன்று 4 மாவட்டங்களுக்கு மஞ்சள் எச்சரிக்கை விடுக்கப்பட்டுள்ளது. கடந்த ஜூன் மாதம் கேரளாவில் தென்மேற்கு பருவமழை தொடங்கியதில் ஓரிரு பகுதிகளில் கனமழை வெளுத்து வாங்கி வருகிறது.இப்பொழுது வரை கனமழை குறைந்த பாடில்லை. சமீபத்தில் ஒரு சில நாட்கள் கனமழை பெய்யாமல் இருந்தாலும் கூட கடந்த 4 மாதங்களுக்கு மேலாக பல்வேறு பகுதிகளில் தொடர்ந்து கனமழை கொட்டி தீர்த்து வந்தது.

- Advertisement -

இந்த நிலையில் இந்திய வானிலை மையம் ஒரு அறிக்கையை வெளியிட்டுள்ளது. இது தொடர்பாக வெளியான அறிக்கையில் கூறியிருப்பதாவது, ” கேரளாவில் பல்வேறு பகுதிகளில் இன்று முதல் அடுத்த 4 நாட்களுக்கு  பலத்த மழை பெய்யும் என்று அறிவிக்கப்பட்டு உள்ளது.குறிப்பாக, பாலக்காடு, மலப்புரம், எர்ணாகுளம், இடுக்கி ஆகிய மாவட்டங்களுக்கு மஞ்சள் எச்சரிக்கை விடுக்கப்பட்டு உள்ளது. மழையுடன் பலத்த காற்றும், இடி, மின்னலும் காணப்படும் என்று இந்திய வானிலை மையம் தெரிவிக்கப்பட்டுள்ளது.